“Mona Lisa” në ankand? Christie’s do të shesë në internet “Mona Lisa Hekking”, kopje e njohur e shekullit XVII që pronari i saj, Raymond Hekking, e kishte mbrojtur si autentike në vitet 1960.
Kjo pikturë zuri faqet e para të e gazetave dhe radiove deri në SHBA, pasi ishte blerë nga një tregtar në rajonin e Nicës (Franca e Jugut) nga ky koleksionist i pasionuar, kujtoi shtëpia e ankandeve. Vepra është vlerësuar rreth 200 000-300 000 euro. Shitja do të zhvillohet nga 11 deri më 18 qershor në qendrën e ankandeve Christie’s.
Raymond Hekking, i apasionuar pas artit, mbrojti vërtetësinë e kësaj pikture përpara shtypit dhe historianëve të artit deri në vitet 1960. Ai vuri në dyshim vërtetësinë e pikturës së ruajtur në Louvre dhe kërkoi nga muzeu të provonte që Leonardo da Vinci ishte me të vërtetë autori i kësaj pune.
I fiksuar me idenë se ai zotëronte kryeveprën e Leonardos, Hekking besonte se nuk ishte Gioconda e vërtetë që u rivendos në Luvër në 1914, tre vjet pas vjedhjes së parë të pikturës në 1911 nga italiani Vincenzo Perugia dhe se në vend të saj ishte vendosur një kopje.
Pas vdekjes së Raymond Hekking në 1977, piktura mbeti në zotërim të familjes së tij. Për Pierre Etienne, drejtori ndërkombëtar i departamentit të pikturave antike në Christie, shitja "ilustron në mënyrë të përsosur magjepsjen që Mona Lisa ka mbajtur gjithmonë dhe po ushtron gjithnjë e më shumë.
"Mona Lisa" hyri në koleksionet e Francisco 1º de Francia menjëherë pas 1517. Disa kopje u bënë më vonë në fillim të shekullit XVII, duke përfshirë atë të fituar nga Raymond Hekking.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
