U rikthehen vizitorëve e besimtarëve/ Në Vlorë përfundojnë restaurimet në shtatë monumente kulture, kategoria I

Ministrja e Kulturës, Elva Margariti ka bërë të ditur sot për media një listë monumentesh të kulturës në Vlorë, të cilat i janë rikthyer vizitorëve e besimtarëve pas punimeve restauruese të kryera në to.

Për Drejtorinë Rajonale të Trashëgimisë Kulturore Vlorë, ka qenë një sezon i ngarkuar për restaurimin dhe si rrjedhojë të shtatë monumentet kulturore të kategorisë I, i janë vizitorëve dhe besimtarëve.

Një sezon i ngarkuar pune për Drejtorinë Rajonale të Trashëgimisë Kulturore, Vlorë për mirëmbajtjen, restaurimin dhe konsolidimin e monumenteve të kulturës.

Falë punës së përditshme i janë kthyer vizitorëve dhe besimtarëve 7 monumente të kategorisë I.

Bëhet fjalë për monumentet:

Banesa me dy peristile në Parkun Arkeologjik të Finiqit;

Kisha e “Shën Mërisë” në fshatin Malçan të Bashkisë Finiq;

“Puset e Vjetra” në fshatin Dhrovjan të Bashkisë Finiq;

Kisha e “Shën Mëhillit” në fshatin Kostar të Bashkisë Finiq;

Kisha e “Shën Janit” në Bashkinë Delvinë;

Muri rrethues i kishës së “Shën Mërisë Kameno” në Bashkinë Delvinë;

Porta e kishës së “Shën Kollit” në Fshatin Mesopotam.