Në kuadër të 104-vjetorit të lindjes së piktorit të madh Ibrahim Kodra në galerinë e Artit Pamor “Nikolet Vasia” në Durrës u hap një ekspozitë të veçantë me 125 vepra të artistëve italianë, miq e bashkëkohës të piktorit, të cilët kanë dhuruar nga një vepër në shenjë respekti për kontributin e mjeshtrit shqiptar me përmasa botërore.
Në çeljen e ekspozitës ishte e pranishme edhe kryetarja e bashkisë së Durrësit, Emiriana Sako, e cila tha se “Ibrahim Kodra është konsideruar si piktori më i rëndësishëm shqiptar i njohur ndërkombëtarisht dhe të gjithë ne jemi krenarë që një personalitet i tillë është pikërisht nga Durrësi”.
Në kuadër të këtij përvjetori, 20 nxënës të shkollave të mesme të qytetit kanë ekspozuar pikturat e tyre me tematikën “Ibrahim Kodra në sytë tanë”.
Gjimnazistëve pjesëmarrës në aktivitet ju dha një certifikatë mirënjohjeje.
Emri dhe krijimtaria Ibrahim Kodrës është e lidhur ngushtë me pikturën.
Rreth 6 mijë vepra mbajnë autorësinë e tij, por vetëm 2 mijë prej tyre janë të regjistruara dhe të dokumentuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
