Dokumentari “Selita” me regji nga Elton Baxhaku dhe Eriona Çami është pranuar të jetë pjesë e Festival of Tolerance – JFF. Ai flet për komunitetin rom dhe një sfidë të tyre në qytetin e Tiranës.
Përpjekjet e banorëve dhe aktivistëve të komunitetit Rom, dhe ngjarjet e rezistenca e këtyre njerëzve kundër ndërtimit të Unazës së Madhe të Tiranës janë rrokur nga fokusi i Elton Baxhakut. Baxhaku, regjisor, për ta sjellë para të gjithëve raportin e pushtetit me margjinat, ka realizuar dokumentarin “Selita”, bashkë me Eriona Çamin.
Dokumentari do të marrë pjesë në këtë festival i cili mban edicionin e radhës nga 8 deri me 14 prill të vitit tjetër.
Baxhaku më herët ka realizuar edhe dokumentarë të tjerë, mes tyre edhe “Ska-Ndal” – dokumentar mbi komunitetin LGBT në Shqipëri, pjesë edhe e DokuFest në Prizren. Në vitin 2012-të ai fitoi çmim në Balkan Food and Film Festival në Pogradec. Eriona Çami, në anën tjetër, ka marrë pjesë në realizimin e rreth 21 dokumentarëve dhe filmave të shkurtër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
