Festivali Ndërkombëtar i Fimit në Kosovë- DokuFest sivjet shënon 20 vjetorin e zhvillimit të saj.
Sikurse edhe edicionet e shkuara, sërish këtë vit festivali i filmit DokuFest erdhi paraprakisht edhe në Tiranë.
DokuFest në bashkëpunim më Platformën e Artit Bashkëkohor Harabel, mbrëmë në ambientet pranë Liqenit Artificial të Tiranës, shfaqi disa prej filmave të programit të ri të vitit 2021.
Tematika e këtij viti dhe këtij edicioni është “Re:set Re:mix Re:act” , përbërë nga tri fjalë të cilat në qendër kanë si nocion shkronjat RE në rrënjën e tyre, me të cilat festivali do të eksplorojë aspekte të shumta në kontekstin e botës që rishfaqet nga pandemia dhe (ri)imagjinon veten në një situatë të re.
Filmat që u shfaqën mbrëmë për publikun ishin: “Bushi – Hana Sedoli & Ben Gorani, Kosova, 2021”, “More Than Tëo Hours – Ali Asgari, Iran, 2013″, In Betëeen – Samir Karahoda, Kosova, 2019”, “Vever (For Barbara) – Deborah Stratman, USA, 2019”, “Push This Button If You Begin To Panic – Gabriel Böhmer, UK, 2020”.
Në mbyllje të kësaj mbrëmje të veçantë pati edhe një bashkëbisedim ndërmjet drejtuesve të festivalit dhe publikut të pranishëm, gjithashtu u shpalos edhe programi i edicionit të XX të festivalit Dokufest.
Edicioni i 20-të i DokuFest do të zhvillohet edhe në qytetin historik të Prizrenit dhe në platformën online në datat 6 – 14 gusht 2021.
Nga një numër rekord i mbi 3.000 aplikimeve, festivali do të prezantojë 106 filma nga 60 vende të ndryshme të botës të cilët do të konkurrojnë në 8 kategori garuese, duke shfaqur disa nga dokumentarët më të mirë, si dhe një koleksion të shkëlqyer të filmave të shkurtër dhe atyre eksperimentale, të prodhuar kohëve të fundit, duke e bërë atë platformën më të madhe të shfaqjes së filmave në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
