Qyteti i Delvinës është shpallur pasuri kulturore e paluajtshme në kategorinë “Ansambël Arkitektonik Urban” nga Këshilli Kombëtar i Trashëgimisë Kulturore Materiale.
Lajmi u bë i ditur nga ministri i Turizmit, Kulturës dhe Sportit, Blendi Gonxhja, përmes një postimi në rrjetet sociale.
Ai theksoi se ky status vlerëson rëndësinë e veçantë historike, arkitektonike dhe urbanistike të qytetit, duke synuar mbrojtjen, ruajtjen, konservimin dhe promovimin e trashëgimisë kulturore.
Sipas tij, përmes këtij vlerësimi synohet jo vetëm ruajtja e identitetit historik dhe kulturor të Delvinë, por edhe nxitja e zhvillimit të turizmit kulturor, promovimi i ndërhyrjeve restauruese dhe rritja e ndërgjegjësimit publik për rëndësinë e trashëgimisë kulturore si një aset i çmuar kombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
