Ukrainasi Bogdan Senchukov dëshiron të arrijë rekordin “Guinness Records”, duke krijuar koleksionin më të madh në botë të instrumenteve muzikore me kunja shkrepsesh.
Tashmë, 15 nga instrumentet e tij me madhësi reale, ku përfshihen dy kitara, fizarmonikë, violina dhe daulle, do të përdoren nga një grup muzikantësh që krenohen si i vetmi "grup muzikor I shkrepseve" në Ukrainë.
Hobi i Senchukov-it ka filluar që në shkollë. Ai ka krijuar një tank nga “The World of Tanks” dhe një miniaturë të kullës Eifel, por pasioni i tij i vërtetë janë instrumentet muzikore.
"Kur instrumenti luan... Nuk arrij t’i përshkruaj ndjenjat e mia kur diçka e bërë nga këto shkopinj të vockël luan siç bën një instrument i zakonshëm muzikor".
Ndërsa shumica e instrumenteve muzikore moderne janë prej drurit të ahut ose akacies, instrumentet e Senchukov-it janë bërë nga ato që ekspertët thonë se është druri më pak “muzikor’, plepi, i cili përdoret zakonisht për shkrepset.
Senchukov-it iu gjashtë muaj dhe 27 000 kunja shkrepsesh për të krijuar një instrument muzikor të Ukrainës, të cilën ai e përdor për të luajtur në grup.
Ai shprehet se pjesa më sfiduese e punës së tij janë ato pjesë që kërkojnë 10 orë punë të pandërprerë, siç mund të jenë ato të violinës a kitarës që duhen ndërtuar nga fillimi gjer në fund pa ndërpreje, përndryshe humbasin formën.
Arti dhe përpjekjet e Senchukov-it nuk kaluan pa u vënë re, dhe një fabrikë ukrainase tani i siguron atij dru që përdoret për shkrepse.
Mbajtës i tri rekordeve kombëtare, Senchukov është duke mbledhur dokumente për t’i provuar “Guinness Records World” që ka koleksionin më të madh të instrumenteve muzikore të bërë nga kunjat e shkrepseve. /Reuters, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
