Aktori i mirënjohur hollivudian Leonardo di Caprio, përveçse i famshëm për karrierën e tij artistike, është i njohur botërisht edhe për përkushtimin dhe aktivizimin e tij në çështjet e mjedisit.
Edhe kësaj radhe, ai nuk ka ndenjur në heshtje për katastrofën mjedisore që po ndodh për shkak të zjarreve, të cilat po bien për shkak të ngrohjes globale, e konkretisht për pyjet e Amazonës.
E gjithë bota është e tronditur për atë që po ndodh në zonën e quajtur “Mushkëritë e botës”.
Leonardo di Caprio në një postim në Instagram apelon për të gjithë më shumë vëmendje e përkushtim në çështjet mjedisore, duke e vënë theksin në nevojën e përgjegjshmërisë së njerëzimit ndaj pyjeve natyrore e gjithçkaje që po kushtëzon klimën dhe vetë jetën e njerëzimit.
“Mushkëritë e Tokës janë në flakë. Amazona braziliane - shtëpia e 1 milion indigjenëve dhe e 3 milionë specieve — është duke u djegur për më se dy javë rresht. Ka pasur 74 000 zjarre në Amazonën braziliane që nga fillimi i këtij viti - një rritje befasuese prej 84% në krahasim me të njëjtën periudhë të vitit të kaluar (Instituti Kombëtar për Kërkime në Hapësirë, Brazil). Shkencëtarët dhe konservatorët ia atribuojnë shpyllëzimin e përshpejtuar Presidentit Jair Bolsonaro, i cili lëshoi një ftesë të hapur për prerësit dhe fermerët për të pastruar tokën pas marrjes së detyrës në janar.
Pyjet më të mëdha të shiut në botë janë një pjesë e rëndësishme e zgjidhjes globale të çështjes së klimës. Pa Amazonën, ne nuk mund ta mbajmë në kontroll e ngrohjen së Tokës.
Amazona ka nevojë për më shumë sesa lutjet tona. Atëherë, çfarë mund të bëni?
✔ Si përgjigje emergjente, dhuroni për grupet e frontit Amazon që po punojnë për të mbrojtur pyllin.
✔ Merreni në konsideratë që të bëheni përkrahës të rregullt të nismave për mbrojtjen e pyjeve më të prekshme tropikale në botë, përfshirë Amazonën; kjo qasje është deri tani mbrojtja më efektive kundër shpyllëzimit dhe zjarreve të pyjeve natyrore, por kërkon bashkëpunim të thellë, afatgjatë midis komuniteteve dhe sektorit publik dhe privat.
✔ Mbajeni në vëmendje këtë histori dhe vazhdoni të ndani postime, duke etiketuar agjensitë e lajmeve dhe ndikuesit.
✔ Bëhuni një konsumator i ndërgjegjshëm… Eleminoni ose zvogëloni konsumin e viçit; gjedhet janë një nga nxitësit kryesorë të shpyllëzimit të Amazonës.
✔ Kur të vijë koha e zgjedhjeve, VOTO për drejtuesit që e kuptojnë urgjencën e krizës sonë klimatike dhe janë të gatshëm të ndërmarrin veprime të guximshme — përfshirë qeverisjen e fortë dhe politikën e të menduarit përpara.”, është shprehur Di Caprio. /Përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
