Një ekspozitë e parë imersive e artit digjital në vend, e titulluar “Ikonografia Shqiptare-Mjeshtrit e Mëdhenj”, u hap këto ditë festash në Galerinë e Arteve Digjitale në Korçë!
Galeritë virtuale janë qendra të inovacionit dhe teknologjisë në shumë vende të botës, ndërsa Korça është e para në rajon që ka ngritur një qendër të tillë.
Ministrja e Kulturës, Elva Margariti, bëri thirrje përmes rrjeteve sociale që vizitorët të mos e lënë pa parë ekspozitën e çelur në Galerinë e Arteve Digjitale.
Mos u largoni nga Korça pa vizituar ekspozitën imersive me imazhe të Muzeut të Artit Mesjetar, “Ikonografia shqiptare”, në Galerinë e Arteve Digjitale.
Një eksperiencë e magjishme në një botë engjëjsh e shenjtorësh.
Ekspozita u çel më 23 dhjetor duke ofruar për vizitorët e Korçës një eksperiencë unike, pothuaj si një udhëtim nëpër kohë.
Kjo ekspozitë është mundësuar falë mbështetjes dhe fondit të Muzeut Kombëtar të Artit Mesjetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
