Është ndarë nga jeta akad. Rexhep Ferri, piktor, profesor e shkrimtar, anëtar i Akademisë së Shkencave dhe Arteve të Kosovës.
Akademia e Shkencave të Shqipërisë me këtë rast përmes mesazhit të ngushëllimit të akademik Skënder Gjinushit, shprehu dhimbjen e hidhërimin e thellë me ndarjen nga jeta të anëtarit të Akademisë.
Me ndarjen nga jeta të tij familja humbi njeriun e saj të dashur, ASHAK anëtarin e denjë të saj, ASHSH kolegun e vet të nderuar, Vlora qytetarin e saj të nderit dhe kultura shqiptare një personalitet të spikatur.
Jeta e Rexhep Ferrit ishte e mbushur me aktivitet artistik, kulturor e botues, duke e vendosur personalitetin e tij në bashkësinë e nderuar të akademikëve të Kosovës, midis personaliteteve më të shquar të kulturës shqiptare.
Kryetari i ASHSH kujton se ekspozitat e shumta dhe botimet e Ferrit, përçuan modelin e artit kudo ku ndodhen sot shqiptarët dhe në mjedise ndërkombëtare.
ASHSH shprehu ngushëllimet e saj të ndjera për familjen e akademikut Rexhep Ferri; për kolegët akademikë të ASHAK dhe për gjithë bashkësinë e artkrijuesve dhe artdashësve të kulturës shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
