Është shpallur sërish si DJ më i mirë në SHBA për të tretën herë në karrierën e tij. Markus Schulz është fitues i Golden Pioneer DJ Mixer, dhënë nga revista DJ Times. Ai ka lënë kështu pas Diplo, Marshmello dhe Skrillex me një diferencë të konsiderueshme.
“Është një nder i pabesueshëm. Nuk kam zjedhur të jem në këtë industri me qëllimin të fitoj çmime por arritja më e madhe e jetës sime është aftësia për tu lidhur rme ata që besojnë tek unë. Nuk e konsideroj se suksesi është i garantuar dhe falënderoj çdo ditë yjet e mia të fatit që kam arritur të bëj atë që dashuroj”, ka thënë ai.
Markus Schulz është një DJ gjermano-amerikan që jeton në Miami, Florida. Schulz është gjithashtu themelues i labelit “Coldharbour Recordings” dhe “Schulz Music Group”.
Schulz ka publikuar shtatë albume me kompozime miks dhe katër albume artistësh nën emrin e tij. Albumi i tij i fundit në studio, “We Are The Light” është lançuar në tetor të këtij viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
