Rritja e bashkëpunimit mes Muzeut të Shqipërisë me atë të Kosovës, ishte tema e bisedës në kuadër të vizitës së sotme që ambasadori i Republikës së Kosovës në Shqipëri, Skënder Durmishi pati sot në Muzeun Historik Kombëtar në Tiranë.
Gjatë vizitës në muze, ambasadori Durmishi, zhvilloi një takim të përzemërt me drejtorin e Muzeut Historik Kombëtar, Dr. Dorian Koçi, me të cilin foli për bashkëpunimet e deritanishme mes Muzeut Historik Kombëtar dhe Muzeut Kombëtar të Kosovës.
Po ashtu Durmishi dhe Koçi folën për ecurinë e zbatimit të Kalendarit të Përbashkët Kulturor Shqipëri-Kosovë, si edhe për mundësitë e mëtejshme të bashkëpunimit mes dy muzeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
