Brigitte Giraud është fituesja e çmimit Goncourt 2022 me 'Vivre vite'. Emri i saj doli pas votimit të 14-të në restorantin Drouant në Paris.
Shkrimtari italo-zviceran Giuliano da Empoli, në garë në finale me 'Le Mage du Kremlin', e humbi për një numër të vogël votash vendin e fituesit.
Romani i vlerësuar me Goncourt është një homazh i shkrimtares për bashkëshortin e saj, i cili vdiq në një aksident mbi njëzet vjet më parë.
Franceze me origjinë algjeriane, e lindur në vitin 1966 në Sidi Bel Abbes, Brigitte Giraud ka botuar disa romane ndër vite edhe pse ajo është ende pak e njohur për publikun e gjerë.
Ajo ka mbaruar studimet për gjuhë (anglisht, gjermanisht, arabisht), më pas ka kaluar te përkthimi, gazetaria, një eksperiencë e shkurtër në fushën e industrisë, deri te një karrierë letrare. Sot karriera e saj vuloset me çmimin Goncourt.
Brigitte Giraud është shkrimtarja e 13-të që fiton atë që konsiderohet si një nga çmimet letrare më të lakmuara në botë.
Gruaja e fundit që u nderua me çmimin Goncourt, në vitin 2016, ishte autorja franko-marokene Leila Slimani për "Chanson Douce".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
