Aktori amerikan Alan Arkin ka ndërruar jetë në moshën 89-vjeçare. Përgjatë një karriere në ekran dhe skenë që zgjati shtatë dekada, Arkin është nderuar me Oscar dhe me Bafta për rolin e gjyshit në “Little Miss Sunshine”. Gjithashtu ka qenë pjesë e kastit të “Argo”, filmi me Ben Affleck, i cili gjithashtu fitoi Oscar. Arkin ka dubluar zërin e JD Salinger në serialin e animuar të Netflix BoJack Horseman nga 2015 deri në 2016. Aktori, regjisori dhe skenaristi i lindur në Nju-Jork dhe i rritur në Los Anxhelos, kishte marrë mësime aktrimi që nga fëmijëria; por në fakt fillimet i pati në muzikë, duke kënduar dhe luajtur kitarë në një grup folklorik të quajtur The Tarriers. Ata shënuan një top pesë hit në vitin 1956 me këngën e varkës me banane, e cila më vonë u bë e famshme nga Harry Belafonte. Karriera e tij e aktrimit filloi me fat në Broadway, duke u shfaqur në shfaqjen Enter Laughing në 1963, e cila i dha atij një çmim Tony për aktorin më të mirë. Ai u bë i famshëm nga filma si "Rusët po vijnë" të vitit 1966 dhe më pas "Zemra është një gjahtar i vetmuar", me të cilat u nominua për Oskarin si aktori më i mirë. Ai fitoi një çmim Golden Globe me një “Një komedi e Luftës së Ftohtë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
