Ministrja e Kulturës, Elva Margariti, ka bërë të ditur shifrën e vizitorëve në parqet arkeologjike dhe muzetë për vitin 2020, të cilat krahasuar në vitet e kaluara janë në numër më të ulët.
“108,252 vizitorë vizituan parqet dhe monumentet historikë e kulturorë në vend gjatë 6-mujorit të parë të vitit 2021, duke shënuar rritje, por ende numër relativisht të vogël krahasuar me vitet para pandemisë”.
Sipas ministres së Kulturës, Elva Margariti “jemi ende larg rekordeve të vitit 2019, por pas pandemisë që gjunjëzoi gjithë globin, po ringrihemi plot shpresë”.
“Brenda 6 muajve të parë kemi pritur jo pak vizitorë në muze e parqe arkeologjike, një shifër që presim të jetë shumë më e lartë, në këtë sezon turistik”, theksoi Margariti.
Këta muaj të 2021 kanë njohur rritje të numrit të vizitorëve, sidomos në qytetet pjesë e trashëgimisë botërore të UNESCO-s, si Berati e Gjirokastra, pastaj muzetë e Krujës, por edhe në parqet arkeologjike si Apolonia, apo edhe zonat arkeologjike në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
