"Kam lexuar shumë gjëra të këqija në lidhje me Marikan këtë javë dhe dua t'ju them se nuk është absolutisht ashtu si mendoni. Kjo situatë ka kohë që zvarritet dhe tani ne kemi vendosur të ndahemi". Kështu ndërhyn te publiku Eros Ramazzotti, me një video në profilin e tij në Instagram, për ndarjen me gruan e tij, Marica Pellegrinelli. Kjo deklaratë vjen vetëm një javë pas njoftimit të vendimit për ndarje dhe thashethemeve të ndryshme që qarkullojnë për të.
"Ajo që lexoj nuk është realitet. Marika është një nënë shumë e mirë. Ajo është një grua fantastike dhe nuk është ngatërrestare siç e ka quajtur dikush. Gjëja më e mirë është të dëgjoni muzikën time, kushdo që dëshiron, kurse pjesës tjetër le t’u lëmë thashethemet e nivelit të ulët", shprehet këngëtari në video.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
