Jennifer Lopez dhe Shakira sollën fuqinë latine në shfaqjen e “Super Bowl” të së dielës me super hite të muzikës pop dhe me koreografinë mbresëlënëse në një ndër skenat më rrëzëllitëse të botës.
Artistët latinë Bad Bunny dhe J Balvin, përveç vajzës 11-vjeçare të Lopez, u shfaqën si mysafirë të papritur, ndërkohë që ekstravaganza latine u paralajmërua që nga fillimi, kur Shakira përshëndeti audiencën e stadiumit në spanjisht me "Hola, Miami". "
Performanca bëri edhe një lidhje të nënkuptuar me klimën aktuale politike në Shtetet e Bashkuara të Amerikës. Një sekuencë në shfaqje paraqiste fëmijët me drita që binin duke krijuar idenë e kafazeve, një referencë e dukshme për ligjin e imigracionit amerikan që zbatoi presidenti Donald Trump dhe që izoloi kryesisht të rinj e të reja të Amerikës Latine, një praktikë, e cila shkaktoi zemërim publik.
Artistet shkëlqyen me veshjet e tyre mahnitëse dhe kënduan sukseset e tyre të padiskutueshme.
Shfaqja 12-minutëshe, së bashku me reklamat, është bërë tashmë një element i njohur i spektaklit “Super Bowl” në të njëjtën kohë me lojën, e cila tërheq rreth 100 milionë shikues të televizionit në Shtetet e Bashkuara të Amerikës. /Reuters/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
