Pas një ndërhyrjeje disamujore në laboratorin e Muzeut të Ikonografisë "Onufri", Berat, ka përfunduar restaurimi i ikonës “Fjetja e Shën Marisë”.
Ikona me dimensione të mëdha, me autor anonim është me prejardhje nga kisha e Profet Ilias në lagjen Përrua. Vepra ikonografike mendohet t'i përkasë fundit të shekullit XIX.
Kjo ikonë paraqiste shumë problematika që rrezikonin degradimin e veprës duke pamundësuar leximin e qartë të skenës ikonografike.
Pas ndërhyrjes restauruese dolën në dritë ngjyrat e ikonës, freskinë dhe madhështinë e veprës.
Kjo ikonë i ofrohet tashme e restauruar publikut të Muzeut të Ikonografisë Onufri duke pasuruar koleksionin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
