Mbyllet edicioni i 18-të i “Sallonit të vjeshtës”, ndahen çmimet për fituesit e ekspozitës

Ekspozita kombëtare “Salloni i vjeshtës” hapi edicionin i 18-të, në të cilën pjesëmarrës ishin 75 artistë të kualifikuar.

Tema e edicionit sivjet ishte "Vjeshtë dashurie dhe kreativiteti" dhe ne të vizitorët e Galerisë së Arteve në Shkodër patën mundësi të shijonin artin e artistëve pjesëmarrës.

Për kuratorin Mikel Temo, veçantia e kësaj ekspozite ishte përmbledhja ku si temë ka vjeshtën, dashurinë dhe kreacionin e artistëve.

Për artistët me pikturat e ekspozuara u ndanë edhe çmimet fituese nën drejtimin e kryetarit të jurisë, Eshref Qahili.

Umberto Pali u shpall fitues i çmimit të tretë dhe Ikbal Kalaj, fitues i çmimit të dytë, ndërsa Lindita Marku fitoi çmimin e parë në ekspozitë.

"Salloni i Vjeshtës" mbetet një nga evenimentet më të rëndësishme në kalendarin vjetor të Galerisë së Arteve në Shkodër.

"Vjeshta e dashurisë dhe kreativitetit", erdhi si një eksplorim i thellë se si stina e vjeshtës shërben si një kanavacë për reflektim të brendshëm dhe risi artistike.