Drejtoria e Përgjithshme e Arkivave ka kutuar se si sot 100 vite më parë, më 4 prill 1922 në Shkodër u lind aktori Ndrek Shkjezi.
Ai ka qenë ndër bashkëthemeluesit e Teatrit të shtetit në vitin 1947, ku edhe ka dhënë kontributin e tij në skenën e këtij teatri deri në vitet ’80.
I njohur edhe në kinema me rolin e tij të parë të vitit 1953, tek filmi “Skënderbeu” dhe jo vetëm, përmendim, shfaqen “Cuca e maleve”, “Prefekti”, “Një djalë dhe një vajzë”, “Radiostacioni”, “Shoku ynë Tili” e shumë të tjerë, janë veprat ku Ndrek Shkjezi ka lënë gjurmë me karakterin e spikatur të personazheve, të cilat do të mbeten në memorien e kinemasë dhe teatrit tonë.
Aktori është ndarë nga jeta në vitin 2000. Për meritat e tij artistike Ndrek Shkjezi është vlerësuar me urdhrin “Naim Frashëri” dhe në vitin 1989 ka marrë titullin “Artist i Merituar”, të cilin Arkivi Qendror Shtetëror e publikoi sot duke e kujtuar kështu në ditën e tij të lindjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
