Edicioni i parë i Bienales Ndërkombëtare të Artit Bashkëkohor nis më 5 Tetor në Durrës.
Rreth 40 artistë nga vende të ndryshme të botës do të marrin pjesë në 17 Pavijone Kombëtare, në edicionin e parë të Bienales që do të çelet më 5 tetor-24 nëntor.
Kjo bienale do ta shndërrojë qytetin e Durrësit në skenën më të rëndësishme sa i përket artit pamor, ka bërë të ditur ministri i Ekonomisë, Kulturës dhe Inovacionit, Blendi Gonxhja
Artistët pjesëmarrës do të interpretojnë temën, ‘Inteligjenca Artificiale: e Ardhmja Hibride’. Një qasje, e cila jo vetëm nxit imagjinatën e artistit krijues bashkëkohor, por evidenton edhe algoritmin e vetë ekzistencës së qenies njerëzore në teh midis racionales dhe irracionales, reales dhe surreales.
Pavijonet kombëtare të shteteve pjesëmarrëse do të ekspozohen në hapësirat e disa prej institucioneve më ikonike të qytetit të Durrësit, si dhe në disa prej objekteve të trashëgimisë kulturore si: Amfiteatri Romak, Kulla Veneciane, Forumi Bizantin dhe Hamami Mesjetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
