Çdo vit, më 28 dhjetor, në mbarë botën shënohet Dita Ndërkombëtare e Kinemasë, në përkujtim të lindjes së artit filmik.
Në këtë ditë të vitit 1895, në bodrumin e Grand Café në Paris (Le Salon Indien du Grand Café), në Boulevard des Capucines, u mbajt shfaqja e parë publike e kinemasë. Vëllezërit Auguste dhe Louis Lumière prezantuan para publikut 10 filma të shkurtër, ndër të cilët edhe dokumentarin e famshëm “Mbërritja e një Treni në Stacionin La Ciotat”.
Gjatë shfaqjes së këtij filmi, publiku reagoi me frikë, duke u hedhur nga vendet dhe duke u larguar nga salla, pasi kishte përshtypjen se treni që shfaqej në ekran po vinte drejt tyre.
Në atë kohë, secili film ishte rreth 17 metra i gjatë dhe, kur projektohej me dorë, zgjaste afërsisht 50 sekonda.
Që nga ky moment historik nisën shfaqjet e rregullta të filmave, të cilat zakonisht shoqëroheshin me muzikë live, si piano apo saksofon.
Në disa raste, filmat shoqëroheshin edhe me tekst shpjegues të vendosur poshtë imazheve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
