Më 28 prill të vitit 1912, u themelua Federata Pan-Shqiptare e Amerikës, e njohur si "Vatra".
Ky ishte një moment historik për shqiptarët, pasi "Vatra" do të bëhej një simbol i angazhimit për mbrojtjen e të drejtave të shqiptarëve në mbarë botën.
Një nga figurat më të shquara të këtij institucioni ishte Fan Noli, i cili, përveç veprimtarisë së tij, shkroi edhe himnin e kësaj federate, e cila u bë e njohur për breza.
"Vëllezër u dërmua, Errësirë e skllavërisë, Lindi me dritë nderi. Një djell plot gëzim, VATRA kështjell’ e dashur, E mëmë Shqipërisë."
Në atë takim historik të 28 prillit, u formua një bord i përkohshëm i Federatës, ku figura të shquara morën detyrat kryesore.
Sekretar i federatës u zgjodh Fan Noli, arkëtar Llambi Çikozi, menaxher i gazetës “Dielli” Kristo Kirka, dhe drejtues të degëve të federatës, si Faik Konica dhe Kristo Floqi. Ndërsa Paskal Aleksi, Elia Tromara dhe Kosta Vasili shërbyen si supervizorë të “Diellit”.
Vatra u njoh zyrtarisht nga shteti i Masaçusetsit më 13 qershor 1912, duke marrë certifikatën e njohjes, dhe që nga ajo kohë ka qenë një ndër organizatat më të rëndësishme për kombin shqiptar në mërgatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
