Ka çelur siparin në qytetin e Gjirokastrës, edicioni i 6-të i Ani Fest A-Gjiro, Festivali i Filmit Ndërkombëtar Evropian për Fëmijë.
Ky organizim i Bashkisë Gjirokastër, në bashkëpunim me Maku Production, do të sjellë në ekranin e kinemasë për spektatorët e vegjël, filma cilësore të kinematografisë evropiane për fëmijë.
Për kryetarin e bashkisë Gjirokastër, Flamur Golemi, organizimi i Anifest A-Gjiro është vazhdim i aktiviteteve të zhvilluara nga bashkia, duke gjallëruar Gjirokastrën edhe në këtë stinë vjeshte.
“Festivali është pjesë e aktiviteteve kulturore, artistike, sportive, etj. që kemi ndërmarrë në mbështetje të fëmijëve, edukimit dhe argëtimit të tyre. Do të vazhdojmë organizimin e aktiviteteve të larmishme për fëmijët si dhe investimet në shërbim të tyre për ndërtimin e parqeve të lojërave apo këndeve sportive në qytet dhe njësitë administrative.
Festivali i filmit Anifest A-Gjiro do të zgjasë për tri ditë ndërsa nga juria e festivalit do të akordohen edhe vlerësime për filmat pjesëmarrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
