Bonusi i Rijetësimit është nisma më e re e Ministrisë së Kulturës, që u vjen në ndihmë banorëve të qendrave historike të qyteteve, të cilët duan t’u japin jetë banesave të tyre.
Ministrja e Kulturës, Elva Margariti ka njoftuar këtë nismë të rëndësishme, e cila do të vijë si një ndihmë në formë granti për individët por edhe të gjithë komunitetit që përfiton nga rijetësimi i qytetit.
Bonusi i Rijetësimit u shërben të gjithë atyre që duan të zhvillojnë pronën e tyre në qendrat historike të qyteteve përkatëse.
Ai përfshin dy instrumente mbështetjeje: një për restaurimin dhe konsolidimin e guaskës së shtëpisë, mureve, dritareve, dyerve, fasadës apo çatisë ku jepet 10 mijë dollarë mbështetje, dhe instrumenti i dytë, për të gjithë ata që do të duhet të futen në një plan transformimi dhe vënie në funksion ekonomik të shtëpisë, deri në 50 mijë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
