Lodrat, rroba, librat shkollor, vizatimet e gjësendet e tjera që kishin lënë pas, fëmijët e vrarë e të zhdukur gjatë luftës së fundit në Kosovë u prezantuan mbrëmë në ekspozitën “Na ishte një herë që kurrë mos qoftë” në Prishtinë.
Ekspozita e cila u hap në Bibliotekën e Qytetit “Hivzi Sulejmani”, u dedikua 1024 fëmijëve të vrarë e 109 fëmijëve të tjerë të zhdukur gjatë luftës së fundit në Kosovë. Në hyrje të ekspozitës janë të gjithë emrat e të vrarëve, duke vazhduar me fotografitë e tyre e gjësendet e tjera ku secila prej tyre mbante shënimet se kujt i përkisnin ato. Ekspozita në fjalë nuk ka për qëllim vetëm për ti kujtuar e nderuar viktimat, por edhe për të kërkuar të vërtetën për vrasjen e tyre.
Drejtori i Fondin për të Drejtën Humanitare në Kosovë Bekim Blakaj, tha që ky Fond ka më shumë se një vit që mendon të ndërtoj një memorial për kujtimin e fëmijëve të vrarë, e po ashtu ai shtoi që në këtë ekspozitë është shfrytëzuar një pjesë nga hulumtimi 20 vjeçar i Fondit për të Drejtën Humanitare.
Ekspozita do të qëndroi e hapur përgjatë një viti për publikun në ambientet e Bibliotekës “Hivzi Sulejmani”, në Prishtinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
