“Mësime nga një jetë shekullore”, Lëngu: Një libër për të gjetur drejtpeshimin e jetës

<p>“Mësime nga një jetë shekullore” nga Edgar Morin, vjen në shqip nga Ilia Lëngu. Përkthyesi i njohur ndau me shikuesit e MCN TV disa nga idetë që përcjell Morin përmes kësaj vepre.</p> <blockquote> <p><em>Në këtë libër ka mësime me shumë vlerë për të gjitha moshat, për të gjetur drejtpeshim në rrugën e tyre të jetës. Edgar Morin është një mendje e hapur që nuk imponon mendimin e tij. Një nga mësimet që ka nxjerrë është se në vend që të zbatosh një ideologji të caktuar, t’i drejtohesh mendimit kompleks që është më i thelluar dhe krijon një hapësirë gjykimi që nuk jep përgjigje përfundimtare, por mbetet gjithnjë i hapur. Askush nuk mund të pretendojë se ajo që thotë ai është e vërteta e vetme. Kur kundërshtohet personi, nuk kundërshtohet ideja. </em></p> </blockquote> <p>Lëngu tha se po punon ndërkohë me dy botime të tjera.</p> <blockquote> <p><em>Kam në dorë një përkthim, një poet zviceran, Filip Zhakorte. Kam dhe poetin Niko Kacavidha që po e përkthej në gjuhën frënge. Nuk janë pak për moshën time dhe për kohën që më ka mbetur. </em></p> </blockquote> <p>&nbsp;</p>