Grupi muzikor U2 u detyrua të ndërpresë koncertin e mbrëmjes së 1 shtatorit në Berlin për një arsye të papritur. Liderit të grupit, Bono Vox, i iku zëri gjatë performancës në skenë.
“Na vjen shumë keq për anulimin e koncertit”, thuhet në faqen zyrtare të bandës muzikore irlandeze.
“Bono ishte në formë të shkëlqyer, me një zë në maksimumin e tij dhe ishim bërë gati për mbrëmjen e dytë në Berlin. Por pas këngëve të para, Bono e humbi zërin plotësisht”, thuhet më tej në njoftim.
Grupi i famshëm ka sqaruar se datat e reja të koncerteve do të njoftohen në ditët në vijim. Ndërkohë, vokalisti i U2 është nën kujdesin e mjekëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
