Në përkujtim të 20-vjetorin të ndarjes nga jeta të poetit, shkrimtarit dhe publicistit, Teodor Keko, Biblioteka Kombëtare ka çelur një ekspozitë në përkujtim të veprës dhe figurës së tij.
Biblioteka Kombëtare përkujton nëpërmjet kësaj ekspozite, kontributin e tij të vyer në fushën e letrave shqipe dhe të publicistikës.
Kjo ekspozitë sjell për publikun krijimtarinë e Teodor Kekos, duke nisur nga botimi i tij i parë në revistën “Nëntori” (1980) dhe vëllimin e parë me poezi “Pas provimeve” botuar në vitin 1983, për të vijuar më tej me veprat: “Fjala fishkëllen” (1987), romani “Loja” (1990), “Zemra nuk është këmishë” (1990), “Lajmëtarja e vdekjeve” (1991), “Pretenca” (1994), “Made in Albania” (1998), “Poezi” (2005), përmbledhje me tregime “Amaneti-tregimet e fundit” (2008), “Curriculum vitae. Tregime të zgjedhura” (2008), “Kryqëzim-poezi të zgjedhura” (2008), “Si breshka në shpinë mbaj një varr” (2012), “Shënimet e një gruaje” (2014).
Një vend të veçantë në këtë ekspozitë zë edhe veprimtaria e tij si redaktor, por edhe si publicist, që vjen përmes artikujve në shtypin periodik të kohës.
Ekspozita për Teodor Kekon, do të qëndrojë e hapur për publikun në Sallën Shkencore, të Bibliotekës Kombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
