Biblioteka Kombëtare e Shqipërisë në bashkëpunim me Institutin Italian të Kulturës, hapin nesër ekspozitës “Koleksionet Veneciane në Bibliotekën Kombëtare të Shqipërisë”.
Në këtë ekspozitë, që parashikohet të jetë një ndër më të mëdhatë e njëkohësisht, më të rëndësishmet të organizuara nga BKSH-ja, do të ekspozohen rreth 600 libra dhe harta origjinale të shtypura në Venecia, mes viteve 1400-1800.
Pjesa më e madhe e tyre ekspozohen për herë të parë në publik.
Ekspozita është kuruar nën kujdesin e kuratores shkencore Elisabetta Sciarra, drejtore e Bibliotekës Kombëtare Qendrore të Firences, një prej bibliotekave më prestigjioze dhe më të vjetra në Evropë.
Ekspozita e koleksioneve veneciane do të jetë e hapur çdo ditë për vizitorët nga 21 tetori, deri më 4 nëntor, nga ora 09:00-19:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
