Mesazhi i “New Born” në 15 vjetorin e pavarësisë: “Jo një Republikë e coptume”. Sensibilizim edhe për Ukrainën

Në 15 vjetorin e pavarësisë së Kosovës, si edhe çdo vit, obelisku “New Born” vjen me pamje dhe mesazh të ri.

Këtë vit “NEWBORN” është ngjyrosur me ngjyrat e flamurit, ndërsa në shenjë kundërshtimi të Asociacionit të komunave me shumicë serbe, ka ndërruar vendin e shkronjave.

Ideatori i këtij obilesku, Fisnik Ismaili, ka treguar se në monument janë ndërruar vendet edhe shkronjave, ku përmes lëvizjes së shkronjave ‘N’ dhe ‘O’, është dhënë një mesazh i fuqishëm politik ku thuhet “No New Broken Republic”.

NEWBORN mori një pamje të re. Shumë dashuri, përkushtim dhe kreativitet gjatë këtyre ditëve për pamjen e re të NEWBORN.

Çdo vit, pa përjashtim, NEWBORN ka dhënë një mesazh të fortë, duke shënuar çdo vit zhvillimin e Kosovës në rrugën e saj drejt shndërrimit në një vend që çdo kosovar e ëndërron.

Tema e këtij viti nuk është ndryshe. Në fakt, është provokuese, ndoshta më shumë se herët e tjera, por si gjithmonë është aktuale me gjendjen në të cilën ndodhet populli ynë dhe vendi ynë dhe është një udhëkryq i rëndësishëm drejt shtetësisë së Kosovës.

Ismaili tha se mesazhi kryesor është për Asociacionin, por që lidhet edhe me Ukrainën.

Ka të bëj me Asociacionin. E kemi bë një lojë me shkronja, ua kemi ndërruar vendin. Jo një Republikë e coptume, është mesazhi. Mesazhi është edhe për Ukrainën…