Dita Ndërkombëtare e Muzeve/ Tryezë me temën “Muzetë, Qëndrueshmëria dhe Mirëqenia”

Në kuadër të 18 majit, Muzeu Historik Kombëtar organizoi një tryezë të rrumbullakët me temë: “Muzetë, Qëndrueshmëria dhe Mirëqenia”.

Në këtë tryezë të rrumbullakët folën: Pros. ass. dr. Frederik Stamati, i cili mbajti kumtesën “Roli i konservimit të objekteve muzeore në rritjen e qëndrueshmërisë së muzeve”.

Në vijim përshëndeti përfaqësuesi i ICOM Shqipëria Dr. Melsi Labi. Ledio Xhoxhi mbajti kumtesën “Refleksione mbi partneritetin muze-turizëm kulturor”, ndërsa Andrea Llukani mbajti kumtesën “Skena banketi në ikonat e ekspozuara në pavijonin e ikonave”.

 Dita Ndërkombëtare e Muzeve është vendosur në vitin 1977 nga Këshilli Ndërkombëtar i Muzeve.

Për çdo vit, në 18 maj, Ditën Ndërkombëtare të Muzeve – Këshilli Ndërkombëtar i Muzeve (ICOM) organizon dhe koordinon aktivitete të larmishme kulturore dhe sociale që kanë në fokus rritjen dhe ndërgjegjësimin e publikut për rolin që luajnë muzetë në zhvillimin e shoqërisë.

 Dita Ndërkombëtare e Muzeve ka filluar të përkujtohet për herë të parë në Shqipëri në vitin 2005.

Ministria e Kulturës nëpërmjet rrjetit kombëtar të muzeve të përbërë nga muze historikë, arkeologjikë, etnografikë, të shpërndarë në qytetet e Tiranës, Durrësit, Krujës, Korçës, Beratit, Fierit, Vlorës, Sarandës organizon aktivitete të ndryshme në varësi të temës së përvitshme të përzgjedhur nga ICOM - INTERNATIONAL për të përkujtuar këtë ditë.