Drejtoria e Përgjithshme e Arkivave përkujton sot vënien në skënë të baletit të parë në vend.
Më 13 janar 1963 u vu në skenë baleti i parë shqiptar, “Halili dhe Hajrija”.
Ky balet u farkëtua prej subjektit të dramës që mban të njëjtit titull, shkruar në vitin 1949 nga Kolë Jakova. Himnizimi i bëmave të luftëtarëve të Malësisë së Madhe ndaj zgjedhës turke (shek. XVIII), do të frymëzonte Tish Dainë për kompozimin e vijës melodike. Shprehitë koreografike të Panajot Kanaçit, u interpretuan nga trupa e balerinëve të Teatrit të Operas dhe të Baletit (TOB).
Shfaqja korri sukses të paprecedentë dhe përgjatë viteve, u shfaq me qindra herë në skenën e TOB-së për spektaktorët vendas. “Halili dhe Hajrija” është shfaqur edhe jashtë vendit, në Kosovë (1979), në Greqi (1983), në Itali (1991) dhe në Francë (1980).
Drejtoria e Arkivave solli në vëmendje edhe vendim i Ministrisë së Arsimit dhe të Kulturës për dërgimin e trupës së baletit jashtë vendit (në Kosovë dhe në Greqi), për vënien në skenë të baletit “Halili dhe Hajrija”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
