Violinisti i njohur ndërkombëtarisht, Olen Çesari, rikthehet para publikut shqiptar me tre koncerte të veçanta në Pallati i Kongreseve, më 9, 10 dhe 11 prill, në orën 19:30.
I njohur për stilin e tij unik, ku muzika klasike ndërthuret natyrshëm me ritmet moderne, Çesari premton një përjetim që shkon përtej një performance të zakonshme.
Në këto mbrëmje, ai do të shoqërohet nga Orkestra Simfonike e RTSH, duke i dhënë koncertit dimensionin e një spektakli të plotë simfonik.
Në skenë do të ngjiten edhe artistë të njohur nga Shqipëria dhe jashtë saj, si Dren Abazi, Lavinia Mancusi, Enrico Giaretta, Zyliha Miloti, Carlos Paz dhe Roland Çenko, të cilët do të sjellin bashkëpunime dhe ngjyra të ndryshme artistike.
Tre netët pritet të jenë një festë e vërtetë për publikun artdashës, ku tradita dhe moderniteti bashkohen në një përvojë unike që synon të mbetet gjatë në kujtesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
