“Takim muzikor i dy botëve”, kështu është titulluar aktiviteti në kalanë e Gjirokastrës, i cili bëri bashkë artdashësit nga Shqipëria dhe Greqia në festivalin e 14. Aktiviteti ka nisur me ekspozitën fotografike 'Dropulli ndër vite', në objektivin e fotografit Jorgo Vaso, e cila u ndoq me mjaft interes nga të pranishmit vendas dhe turistë.
Ky event sipas organizatores Ilda Mara do të shtrihet dhe në ditët në vijim me finalen në kryeqytet.
Aktiviteti ka vijuar me muzikë greke nga artisti i njohur Jani Karalis dhe banda e tij muzikore. Ky event erdhi si bashkëpunim i Konsullatës Greke në Gjirokastër, ambasadës greke në Shqipëri dhe Bashkisë Gjirokastër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
