Me një mbrëmje të veçantë muzikore përkujtimore, në 115-vjetorin e lindjes së tij, do të nderohen në “tempullin e muzikës” të Teatrit të Operës së Baletit, veprat e pianistit dhe themeluesit të Shkollës Pianistike Shqiptare, profesor Tonin Guraziu.
Me iniciativën e mjeshtërit muzikor, profesor Zhani Ciko, për të promovuar dhe fuqizuar vlerat kombëtare artistike, dhe pjesëmarrjen e artistëve virtuozë si pianistja e talentuar Rudina Ciko dhe sopranoja e mirënjohur Marjana Leka, do të sjellin mjeshtërisht në piano muzikën e List-it (Ëilde jagd), Chopin-it (Etud-op10) dhe Debussy-t (Feux d'artifice).
Magjia e kësaj mbrëmjeje muzikore do të arrijë kulmin me performancën e Trupës së Baletit të TKOB-së, Eles Ruli, Sabina Maklekaj, Anxhelo Muçollari, Armando Meci dhe Enio Qirici, drejtuar nga profesionisja Adela Muçollari, nën ritmin e muzikës së kompozuar nga profesor Tonin Guraziu.
Mbrëmja përkujtimore muzikore mbahet sot, në Teatrin e Operës dhe Baletit, Holli Koncertor, me fillim prej orës 19.00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
