Festivali i dritave në Shkodër/ Druni: Do kthehet në traditë. Synohet që qyteti të vizitohet gjatë gjithë vitit

Festivali i dritave “Shndrit n’Shirokë”  ka çelur siparin e tij për herë të parë në Shkodër.

Në një lidhje për edicionin e lajmeve në MCN TV, gazetarja Bendis Druni tha që synohet që festa të vijojë edhe në vitet e ardhshme, dhe që Shkodra të vizitohet gjatë gjithë vitit.

“Është viti i parë që organizohet. Por në planet e bashkisë do vijojë të realizohet edhe në vitet e ardhshme, të kthehet në traditë, duke bërë që Shkodra të shtojë edhe një tjetër aktivitet shumë të këndshëm, aq më tepër gjatë verës kur fluksi i vizitorëve vendas dhe të huaj është më i shtuar. Qëllimi i bashkisë është që Shkodra gjatë gjithë vitit të ketë vizitorë dhe aktivitete të ndryshme. Sa i përket koncertit të mbrëmshëm na kanë shoqëruar spektatorë të shumtë, ku ka pasur kuriozitetin e gjithë qytetarëve shkodranë dhe s’kanë munguar as vizitorët e huaj. Do kemi edhe panaire dhe lojëra për fëmijë. Turistëve u ka lënë një impresion shumë të mirë”.