Në kuadër të “Ditëve të Kujtesës” ISKK, Instituti i Studimeve për Krimet dhe Pasojat e Komunizmit dhe IDMC, Instituti për Demokraci, Media dhe Kulturë, çelën ekspozitën “Fytyrat e Diktaturës”, në ambientet e ish-vilës së diktatorit Enver Hoxha në ish-bllok.
Kjo ekspozitë vjen si një reflektim që duhet të kemi mbi ata individë që mbajnë përgjegjësi direkte për instalimin dhe mirëfunksionimin e mekanizmave që mbanin të ngritur regjimin komunist duke përdorur si forma të vetme represionin, përndjekjen, dhunën dhe terrorin.
Synimi i saj është ballafaqimi i përgjegjësve të krimeve të komunizmit, dukë filluar nga Anëtarët e Byrosë Politike Enver Hoxha, Kadri Hazbiu, Hysni Kapo etj. përballë qytetarëve shqiptarë.
Në murin e kësaj ekspozite vijnë emrat dhe fytyrat e të gjithë personave që ishin në pozicione vendimmarrëse, ose ishin përgjegjës të drejtpërdrejtë për shkeljet e të drejtave të njeriut, ekzekutimet, dënimet dhe persekutimet e qindra qytetarëve.
Në këto 31 vite pas rënies së regjimit komunist jemi përpjekur që të ballafaqohemi me diktaturën vetëm në ato pak raste që kemi e kemi bërë vetëm më peshqit e vegjël. E gjithë vëmendja e opinionit publik ka qenë kush e spiunoi kë, kush ishte punonjës i sigurimit, por kush më njeh e di që unë kam thënë jo që nuk është vetëm sigurimi. Sigurimi ishte vetëm një nga aparatet ndihmëse, por ballafaqimi me të shkuarën duhet të fillojë nga kupola drejtuese nga byroja politike.” u shpreh Jonila Godole, drejtoreshë e IDMC.
Referuar kësaj hierarkie, drejtori i ISKK, z. Çelo Hoxha tha se ajo qe tregohet ne këtë ekspozitë është shumë pak nga thellësia dhe gjerësia e shpërndarjes së krimeve përgjatë 50 viteve të diktaturës.
Nga ana tjetër e kësaj historie, në mjedisin e ekspozitës, është shpërndarë edhe Enciklopedia e Viktimave të Komunizmit, e cila ka mbërritur në volumin e 9-të, botim i ISKK, si një përballje çfarë shkaktuan urdhrat e ekzekutimeve nga lart, duke prodhuar një sistem monstruoz.
Në murin e kësaj ekspozite janë vendosur fotografitë e atyre personave të cilët mbajnë përgjegjësi direkte për vendimet që kanë të bëjnë me përndjekjen, dëbimin, depërtimin, burgosjet dhe shkeljet e tjera të të drejtave të njeriut gjatë regjimit komunist.
Ekspozita “Fytyrat e diktaturës” dhe do të qëndrojë e hapur për publikun deri më 23 shkurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
