Aktorja bullgare Stoyanka Mutafova, një nga aktoret më të vjetra në botë që performonte rregullisht në skenë, vdiq në moshën 97-vjeçare.
E quajtuar mbretëresha e komedisë bullgare, Mutafova filloi të performojë në vitin 1945, kur interpretoi një shërbëtore në një nga komeditë e Molierit.
Ajo u bë e famshme në Bullgari pasi u shfaq në disa komedi televizive dhe programe argëtimi dhe ndërmori një turne teatral në Amerikën e Veriut dhe Evropë në moshën 94-vjeçare.
Ajo mori çmime të shumta gjatë karrierës së saj të gjatë dhe vazhdoi të aktrojë deri disa muaj para vdekjes së saj.
Mutafova, që besohet të jetë interpretuesja më e vjetër e skenës aktive pasi aktori rus Vladimir Zeldin vdiq në vitin 2016 në moshën 101-vjeçare, ishte shprehur se kurrë nuk u pendua për vendimin e saj për tu bërë aktore.
"Sikur të isha përsëri 20 vjeç, unë përsëri do të bëhesha aktore", tha ajo në një intervistë dy vjet më parë. /Reuters, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
