“Javët Kulturore Ndërkombëtare” nisin nga nesër rrugëtimin e tyre të tretë në Shqipëri.
Nga muaji Maj deri në Nëntor, ashtu si edhe në edicionet e kaluara, Shqipëria mikpret kultura nga e gjithë bota në një kalendar të pasur me aktivitete, artistë e performanca, plot me surpriza dhe energji të reja!
Ministri i Ekonomisë, Kulturës dhe Inovacionit fton shqiptarët t’i bashkohen mbrëmjes festive të hapjes së Javëve Kulturore Ndërkombëtare, e cila do të zhvillohet nesër në orën 20:00, në sheshin “Skënderbej”.
Javëve Kulturore Ndërkombëtare nisin me ‘Shkodrën Elektronike’, e cila vjen si show inovativ midis botës magjepsëse të polifonisë shqiptare, tingujve hipnotikë të krijuar nga kori shqiptar iso-polifonik dhe ritmet elektronike.
Dy edicionet e tjera kanë sjellë në Tiranë dhe qytete të tjera të vendit, qindra artistë nga bota.
Nëpërmjet këtij projekti vendet njihen më mirë, forcohen marrëdhëniet me partnerët ndërkombëtarë, si dhe rritet oferta e aktiviteteve kulturore në Shqipëri për të gjitha shijet dhe moshat.
JKN e shndërron skenën e aktiviteteve kulturore në vend në një arenë ndërkombëtare shumëkulturore dhe shumëdisiplinore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
