Rexhep Hida, botues dhe përkthyes, analizoi në studion e MCN Informacion sfidat e përkthimit. Hida veçoi dy kriteret bazë që e bëjnë një përkthyes të mirë.
Sa kohë që një gjuhë ekziston, ajo i plotëson kërkesat e komunikimit. Veçoria e përkthimit qëndron te veprat filozofike apo sociologjike. Sepse ne nuk kemi traditë. Nuk kemi filozofë si Niçja, Jungu apo Sartri. Pra lind nevoja e kritereve për të shqipëruar termat. Përkthimet e letërsisë artistike janë njësoj. Këtu duhen njerëz të talentuar. Nuk mjaftojnë njerëz që thjesht njohin gjuhën. Përkthimi ka parimin e parë saktësinë. Pra, besnikëri jo skllavëri. Një përkthim ku përkthyesi i qëndron skllav origjinalit, është përkthim shabllon. Ndërsa përkthimi i lirë është më i këndshëm. Me një redaktim të kujdesshëm, ai mund t’i afrohet origjinalit. Që përkthimi të jetë i saktë, duhet të jetë i qartë, të përcjellë muzikalitet.
Përkthyesi duhet ta njohë gjuhën në mënyrë të plotë. E dyta duhet të ketë talent, pra të riprodhojë në mënyrë krijuese.
Në rast se nuk ke një element prej krijuesi, është shumë e vështirë të bësh përkthime të mira. Ne kemi përkthyes të talentuar. Mund të përmend përkthimet e Fan Bolit, Nasho Jorgaqit, Edmond Tupes, Primo Shllakut etj.
Përkthehet kryesisht nga anglishtja, frëngjishtja, gjermanishtja. Përkthimi nuk është veprimtari përfundimtare. Në një moment tjetër, përkthimi mund të ribëhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
