Kompleksi i shpellave në Tajlandën veriore, ku 12 djem dhe trajneri i tyre i futbollit u bllokuan për më shumë se dy javë, do të shndërrohet në një muze. Zyrtarët e shpëtimit thanë se muzeu do të tregojë se si ndodhi operacioni, duke shtuar se do të ishte një tërheqje e madhe turistike për Tajlandën.
Të paktën dy kompani po kërkojnë të bëjnë një film që tregon historinë e shpëtimit të 12 djemve në këtë shpellë. Grupi i shpëtuar për momentin është në spital duke u trajtuar. Videoja që tregon se ata janë mirë me shëndet është bërë publike, edhe pse ata do të qëndrojnë në karantinë për një javë. Trupat e Marinës së Tailandës gjithashtu kanë publikuar pamjet dramatike të vetë operacionit.
Shpella Tham Luang është një nga sistemet më të mëdha të shpellave në Tajlandë. Ajo shtrihet nën malet rreth qytetit të vogël të Mae Sai, në provincën veriore të Chiang Rai në kufi me Myanmar. Zona është kryesisht e pazhvilluar vetëm me objekte të kufizuara turistike.
“Zona do të bëhet një muze i gjallë, për të treguar se si funksionon operacioni”, tha Narongsak Osottanakorn, ish guvernatori dhe kreu i misionit të shpëtimit, në një konferencë shtypi.
“Do të krijohet një bazë interaktive e të dhënave, e cila do të bëhet një tjetër atraksion i madh për Tajlandën”. Megjithatë, kryeministri Prayuth Chan-oka ka thënë se masat paraprake duhet të zbatohen brenda dhe jashtë shpellës për të mbrojtur turistët. Një lëshim videoje i vënë në dispozicion nga Marina Tajlandeze tregon disa anëtarë të ekipit të futbollit të bllokuar. Nuk është e qartë nëse muzeu do të jetë funksional gjatë gjithë vitit, pasi Tailanda është e prirur për përmbytje të rënda gjatë sezonit të shirave, i cili zgjat nga qershori deri në tetor.
Ishte pikërisht fillimi i papritur i sezonit të shirave që bllokoi 12 djemtë thellë nën tokë ndërkohë që po eksploronin shpellën. Ekzistojnë gjithashtu plane për ta kthyer operacionin e shpëtimit në një film. Janë kompani prodhuese filmi, që janë në garë se kush do ta kthejë historinë e jashtëzakonshme në film. Edhe para se të dilnin jashtë shpellës të 13 djemtë, studioja amerikane “Pure Flix”, kishte njoftuar se prodhuesit e saj ishin në terren duke intervistuar punonjësit e shpëtimit për një film potencial.
Bashkëthemeluesi i studios, Michael Scott, jeton në Tajlandë dhe tha se gruaja e tij është rritur me Saman Gunan, ish anëtar i Trupave të Marinës së Tailandës, i cili humbi jetën gjatë misionit. “Është një ngjarje e tillë prekëse dhe kaq personale për mua”, tha ai në një video në Twitter, të filmuar në vendin e shpëtimit. Por sipas “Ivanhoe Pictures”, një studio me qendër në Los Angeles, ata janë zgjedhur zyrtarisht nga qeveria dhe marina e Tajlandës për të zhvilluar filmin. Media amerikane citoi kompaninë të thoshte se filmi do të drejtohet nga Jon M Chu. Ai së fundi ka bashkëpunuar me Ivanhoe në drejtimin e komedisë së ardhshme romantike “Crazy Rich Asians”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
