Forumi për Mbrojtjen e Trashëgimisë Kulturore kërkon në mënyrë urgjente që Bashkia e Durrësit të ndërpresë punimet për ndërtimin e Velës prej betoni në një vend që kategorizohet në zonën “A” si zonë arkeologjike. Sipas Forumit të Trashëgimisë Kulturore, ligjet nuk duhet të diskutohen por duhet të zbatohen.
Ligji për trashëgiminë kulturore është eksplicit dhe i qartë: në zonën e mbrojtur “A”, nuk lejohet asnjë punim nëntokësor dhe mbitokësor përvec shtresave rrugore- thuhet në deklaratën tyre. Ndërsa në fakt, zona A është “mbjellë” me pilota betonarmeje deri 10 metra thellësi.
Forumi pritet që të ketë një dëgjesë me Bashkinë e Durrësit dhe do të shkojë me dy propozime. E para, ndërprerjen e vërtetë dhe të menjëhershme që tani të punimeve në të gjithë zonën A dhe B të interesuar. E dyta, zbulimin e të gjithë sitit, riheqjen e të gjitha shtresave zhavorre, dhera, betone etj, në mbi 70% të sipërfaqes së këtij siti i cili është gërmuar me ekskavator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
