Më shumë se 25000 njerëz kanë marrë pjesë në masë në një funeral të rremë në “Hyowon Healing Center” që u hap në vitin 2012, me shpresën për të përmirësuar jetën e tyre duke simuluar vdekjen e tyre.
"Pasi të bëheni të vetëdijshëm për vdekjen dhe ta provoni atë, do të keni një qasje të re në jetë", tha 75-vjeçari Cho Jae-hee, që mori pjesë në një varrim të fundit jetësor, si pjesë e një programi "të vdesësh mirë", ofruar nga qendra e mirëqenies.
Njerëzit morën pjesë në këtë ngjarje, adoleshentë e pensionistë, duke dhuruar qefin, duke bërë portrete funerali, duke bërë testamentet e tyre të fundit dhe duke qëndruar shtrirë në një arkivol të mbyllur për rreth 10 minuta.
Studenti i universitetit Choi Jin-kyu tha se koha në arkivol e ndihmoi të kuptonte se shpesh, ai i shikonte të tjerët si konkurrentë.
"Kur isha në arkivol, pyesja veten se sa ia vlente kjo", tha 28-vjeçari, duke shtuar se planifikon të fillojë biznesin e tij pas diplomimit në vend që të hyjë në një treg pune me shumë konkurrues.
Në vitin 2016, shkalla e vetëvrasjeve të Koresë së Jugut ishte 20.2 për 100000 banorë, pothuajse dyfishi i mesatares globale prej 10.53, sipas Organizatës Botërore të Shëndetit.
Ndërmarrja funerale Hyowon filloi të ofrojë funeralet e rreme për të ndihmuar njerëzit të vlerësojnë jetën e tyre, dhe të kërkojnë falje dhe pajtim me familjen. /Reuters, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
