Akademiku Pëllumb Xhufi, kryetar i Seksionit të Shkencave Shoqërore dhe Albanologjike (SSHSHA) dhe Alda Bardhyli, drejtoreshë e Qendrës Kombëtare të Librit dhe Leximit (QKLL) nënshkruan sot një protokoll bashkëpunimi për veprimtaritë e përbashkëta që do të organizohen përgjatë vitit 2021.
Ky bashkëpunim ka në themel tre veprimtari të rëndësishme që lidhen me datëlindjet jubilare të tre shkrimtarëve të mëdhenj të letërsisë shqipe; 150-vjetori i lindjes së Gjergj Fishtës, 90-vjetori i lindjes së shkrimtarit Dritëro Agolli dhe 110-vjetori i lindjes së Migjenit.
Alda Bardhyli, drejtoreshë e Qendrës Kombëtare të Librit dhe Leximit të Ministrisë së Kulturës, u shpreh se bashkëpunimi me Seksionin e Shkencave Shoqërore dhe Albanologjike të Akademisë së Shkencave të Shqipërisë ka lindur si nevojë e mbështetjes shkencore dhe eventeve me rëndësi kombëtare.
Ndërkohë, akademiku Pëllumb Xhufi, kryetar i SSHSHA i Akademisë së Shkencave të Shqipërisë, tha se ky bashkëpunim që nis duke kujtuar tre të mëdhenjtë e letërsisë shqipe: Frishta, Dritëro Agolli e Migjeni, do të shtrihet në një bashkëpunim të mëtejshëm me të tjera veprimtari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
