Nga Elvin Nuri
Rreth ores 17:00 të së premtes banda muzikore Radiohead publikoi në rrjetet sociale një tjetër video, vetëm dy ditë pas “Burn The Witch”. Bëhet fjalë për “Daydreaming”, sërish pjesë e albumit të shumëpritur nga fan-sat në të gjithë globin, por këtë radhë ky klip mban firmën e një prej mjeshtrave të “artit të shtatë”, Paul Thomas Anderson.
“Daydreaming” u shoqërua me lajmin se albumi më i ri i Radiohead do të publikohet të dielën (8 maj) dhe do të jetë i disponueshëm në të gjitha dyqanet dixhitale, ndërsa titulli mbetet ende mister. Kujtojmë këtu se (miliona) fan-sat e britanikëve nga Oxfordshire e prisnin këtë publikim të ri që nga viti 2011, vit kur mori jetë “The King of Limbs”, një album ky i fundit që vërtetoi se “muzika po ndryshon” dhe konservatorizmat u mbeten vetëm zgjedhjeve personale.
Në “Daydreaming” shohim një Thom Yorke (vokal, kitarë dhe tastierë) që “shëtit”, ndoshta në kërkim të diçkaje, mes koridoreve të spitaleve, lavanderive por edhe në sallonet e shtëpive të “shtresave të ulta të shoqërisë”, në një udhëtim që hap dyer edhe për natyrën, deri kur gjen strehë dhe shplodhje në brendësi të një guve. A është kjo një pjesë për ëndrrimtarët?
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
