Biblioteka Kombëtare e Shqipërisë, me rastin e 200-vjetorit të lindjes së studiuesit dhe atdhetarit arbëresh, Vincenzo Dorsa (1823-1885), çeli ekspozitën me veprat e tij më të rëndësishme, duke sjellë në vëmendje të lexuesve veprimtarinë e tij studimore.
Pjesë e fondit të saj arkivor janë veprat “Su gli albanesi: ricerche e pensieri”(1847), “La Tradizione greco – latina negli usi e nelle credenze popolari della Calabria Citeriore” (1884), “Studi etimologici della lingua Albanese” (1862), “Il Vangelo di S. Matteo” përkthyer nga teksti grek ne dialektin kalabro-arbëresh nga Vincenzo Dorsa (1869), si dhe “Mbi shqiptarët: kërkime dhe mendime” (2021).
Veprat e tij studimore përbëjnë një vlerë unike për të dhënat historike, gjuhësore, folklorike, etnografike, letrare, si dhe për historinë e ngulimeve arbëreshe që ato përcjellin.
Ai ishte autor i shumë shkrimeve filologjike dhe të letërsisë popullore shqiptare. Vdiq më 1885 në Kozenca.
Ekspozita për veprat e tij do të qëndrojë e hapur për publikun në Sallën Shkencore të BKSh-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
