Ka përfunduar edicioni i tretë i Festivalit të Porto Palermos. Ndryshe nga çdo shfaqje e zhvilluar përgjatë fundjavave të këtij festivali, natën e tij të fundit nuk u performua brenda mureve të kalasë së Porto Palermos, por në ambient të hapur, në qytetin e Himarës.
Nata e fundit e këtij edicioni, u kthye në natën nismëtare të një tradite të re të mbrëmjeve përtej mureve të kalasë.
Edhe ministrja e Kulturës, Elva Margariti, ndau në rrjetet sociale përshtypjet për këtë edicion të tretë të Porto Palermo Festival, teksa tha se violinisti dhe ideatori i këtij festivali, Olen Cesari premton për të tjera mbrëmje jashtë kalasë.
Me një festë në zemër të Himarës, mes një publiku të jashtëzakonshëm dhe miqsh të mirë u mbyll Festivali i Porto Palermos.
Një edicion që i dha jetë jo vetëm kalasë shekullore, por edhe gjithë zonës përreth me përformancat e disa prej artistëve më të mirë shqiptarë e të huaj. Violinisti dhe ideatori i këtij festivali, Olen Cesari premton për të tjera mbrëmje përtej mureve të kalasë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
