U hap mbrëmë në Ulqin të Malit të Zi, edicioni i 23-të i Panairit të Librit, një ngjarje e rëndësishme kulturore që mbahet çdo vit në qytetin bregdetar.
Në ceremoninë e hapjes ishin të pranishëm kryetari i Komunës së Ulqinit, Genci Nimanbegu, ministrja e Kulturës dhe Mediave e Malit të Zi, Tamara Vujoviç, Ministri për të Drejtat e Njeriut dhe të Pakicave, Fatmir Gjeka, drejtoresha e Qendrës Kombëtare të Librit dhe Leximit, Alda Bardhyli, drejtoresha e Institutit të Librit dhe Promocionit, Irena Toçi.
Në këtë panair ku janë paraqitur rreth 50 botues nga Mali i Zi, Shqipëria, Kosova, Serbia, Maqedonia e Veriut, Bosnja Hercegovina etj.
Në stendat e Panairit ka letërsi artistike, letërsi të përthyer, letërsi për fëmijë, guida dhe harta turistike, enciklopedi etj.
Netët e Panairit do të jenë të mbushura me aktivitete në Kala dhe në librarinë e qytetit. Takime me krijues të njohur, ndarje çmimesh etj.
Kjo festë e librit në Ulqin është një rast i mirë me qëllim promovimin e letërsisë dhe kulturës, si dhe nxitjen e leximit dhe shkëmbimit kulturor ndërmjet shkrimtarëve, botuesve dhe lexuesve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
