Në nderim të 28 Nëntorit, ditës së shpalljes së Pavarësisë, Drejtoria e Përgjithshme e Arkivave (DPA) dhe Agjencia Shtetërore e Arkivave të Kosovës (ASHAK), prezantuan në Prekaz ekspozitën “Të ndarë, por të pashkëputur”.
Materialet dokumentare dhe fotografike që ilustrojnë rrugëtimin e mundimshëm drejt lirisë dhe kontributin e paçmueshëm të figurave me rol qendror në shtetformim, u paraqitën në ambientet përreth Kompleksit Memorial “Adem Jashari”.
Të pranishëm në aktivitet ishin kreu i DPA-së, Ardit Bido, homologu i tij, Bedri Zyberaj, si dhe përfaqësues të tjerë të lartë të shtetit të Kosovës.
Në fjalën e tij për mediet, Bido theksoi se bashkëpunimet e këtyre përmasave përkojnë me vizionin e kësaj date historike për një Shqipëri të bashkuar dhe të begatë.
Është 28 nëntori i Skënderbeut, i UÇK-së, është një ditë madhore e kombit tonë. Kjo ekspozitë u prezantua për herë të parë dje me rastin e mbledhjes së përbashkët të kuvendeve të Shqipërisë dhe të Kosovës.
Nëse do ta kapsulonim vizionin e kësaj date historike, shqiptarët duhet të formonin një shtet të përbashkët e të begatë. Këtë po bëjmë edhe sot duke respektuar realitetin.
Edhe të ndarë në 5 shtete, jemi një komb. Që kjo Shqipëri të jetë e bashkuar në të gjithë elementët që përbëjnë identitetin kombëtar, të bashkuar në një ombrellë për mirëqenie, begati e krenari kombëtare.
Këtë e shohim edhe përmes kësaj ekspozite me dokumente dhe fotografi.
Zyberaj vlerësoi bashkëpunimin e vijueshëm me DPA-në dhe risolli në vëmendje etapat kulmore që i paraprinë dhe që pasuan shpalljen e Pavarësisë, të cilat dëshmohen përmes ekspozitës së paraqitur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
